Мингбулоқда йирик фабрика фойдаланишга топширилди Наманган вилояти ҳокими Шавкатжон Абдуразаков Мингбулоқ тумани "Мехнатобод" маҳалласида қуриб битказилиб, фойдаланишга топширилган Art Soft Gigant текстиль корхонасининг очилиш маросимида иштирок этди. 2022 йилда туманда умумий қиймати 204 млрд. сўмга тенг бўлган 92 та лойиҳалар шакллантирилган. Бугунги кунда йирик лойиҳалардан “Мехнатобод” маҳалласиа “Art Soft Gigant” масъулияти чекланган жамияти корхонаси ташкил этилди. Ушбу жамият томонидан қиймати 33 млрд 240 млн. сўмлик “Трикотаж маҳсулотлари ишлаб чиқариш” лойиҳаси амалга оширилган бўлиб, мазкур лойиҳани тўлиқ ишга тушириш ҳисобига 200 нафар янги иш ўринлари яратилди. Корхона йилига 3 млрд 800 млн. сўмлик маҳсулот ишлаб чиқариш қувватига эга. Ишлаб чиқарилган барча маҳсулотлар экспортга йўналтирилган. @mingbuloq_hokimligi